Klubbmesterskapet er årets mest prestisjefulle turnering. Det er dagen ein skal kåre kven som faktisk er best på slag. I år var det fleire håpefulle påmeldt enn nokon gong. Eivind Evebø vann herreklassa suverent, etter at Karl Erik Utheim har kunne tatt med seg pokalen heim dei siste åra. Men med sedvanleg seier i dameklassa sikra Sølvi Utheim at det kom ein pokal i hus likevel.
Etter kvart som folk var ferdig, samla dei seg i klubbhuset og venta på dei siste. Oddbjørn Vee trivast som kjent godt med publikum. Han sette ein lang birdieputt på hol 18 til jubel frå publikum ved klubbhuset. Deretter vart det litt venting, før publikum kunne ønskje vinnaren på siste flight velkomen.
Kjell Nyheim takla presset frå publikum og chippa ballen rett i koppen til birdie og jubel frå publikumet ved klubbhuset. Kjell Nyheim tok dermed 2. plassen 1 slag foran Jens Christian Andenæs på henholdsvis 67 (+5) og 68 (+6) slag.
Men trass god avslutning, var ingen nær å kunne utfordre Eivind Evebø som utklassa resten av startfeltet. Eivind avslutta med to birdie og gikk dermed på 61 slag totalt, eit slag under par.
Sølvi Utheim vann dameklassa med 81 slag (+19), 4 slag foran Kittaporn Hilde og Margunn Evebø som sette ny pers med 85 slag (+23). Supanne Støylen kom rett bak med 86 slag (+24).
Jakob Buene vann juniorklassa på 73 slag (+11) også i år. Simon Austrheim og Markus Utheim kom på henholdsvis andre og tredjeplass i juniorklassa med 87 og 89 slag.
Totalt var det 43 deltakarar med i dag. Det er suverent ny rekord!