Vi har snakka lenge om ein tur til Atlungstad Golfklubb på Hamar og endeleg vart det ein realitet. Vi innkvarterte oss på Fjetre Gård som ligg få minutt frå golfbana. Ein perfekt plass for golf og sosialt samvær. Dei fleste reste allereie torsdag og mange rakk ei runde golf på ettermiddagen sjølv om været ikkje var det beste.
Andre med Kjellen i spissen sytte for at det vart middag å få når dei var ferdige på bana.
Fredag vakna vi til sol og fint ver og for nokre av oss var det nok å lade opp til første del av 2 dagars turneringa, medan andre starta tidleg og gjekk ei runde på føremiddagen og. Dagen vart avslutta med felles middag på Fjetre Gård, og etter å ha studert vermeldingane så flytta vi 2. dag av turneringa frå kl 09.00 til kl 15.00 laurdag og traff perfekt med veret. Etter at Kjell hadde køpt seg ny paraply slutta det å regne før han rakk å slå den opp og vi hadde fint vere heile runda. Ei flott og kjekk bane å spele.
Ei stor takk til Ola Steinar og assistent Oddbjørn for eit supert opplegg. Dette var så vellykka at vi har tinga både Fjetre Gård og eit hus ved Klubbhuset ved golfbana første helga i juni 2020 til ny tur. Så det er berre å hake av i kalendaren allereie no.
Her er fleire bilder frå turen: