Golfklubben har fått ny logo. Den nye logoen er designa av Bjørnar Aske i Innholdspartner AS.
Eidsfossen like ved golfbana gjev eit mektig inntrykk. Det blå i logoen er meint å symbolisere Eidsfossen og Gloppenelva, som omkransar golfbana. Samtidig dannar det blå og grøne i logoen ein S for «Sandane». Frå det grøne som symboliserer ein green, kan du sjå ei flaggstong som er inkorporert ved hjelp av negativt rom. På toppen av denne ser vi eit raudt flagg som vaiar i vinden.
Tekstane «Sandane» og «golfklubb» dannar ei sirkulær ramme rundt logosymbolet. Tala «19» og «99» på kvar si side av logosymbolet, viser til at Sandane golfklubb vart stifta i 1999. Fargepaletten i logoen gjer at den fungerer like godt på mørk som på lys bakgrunn. Vi håpar du likar den nye logoen vår!