Her kjem oppdatert leaderboard per 19. juli. Leiar i turneringskomiteen Margunn Evebø, minner samtidig om at fristen nærmar seg og oppmodar dei som har fleire matcher igjen til å utnytte finværet.
Som alltid gjev ein siger 3 poeng, uavgjort 1 poeng og tap 0 poeng. I tillegg reknar vi «målforskjell», basert på kor mange hol ein tapar eller vinn. Om du til dømes vinn ein match med 3 hol og tapar neste match med 2 hol, har du ein samla«målforskjell» på +1.
Så langt ligg Nils Egil Moritsgård i leiinga med 10 poeng, etter å ha spelt 4 kampar. Desse har resultert i 3 sigrar og 1 uavgjort. Ein av desse sigrane kom mot underteikna, der Nils Egil knapt hadde eit feilslag på heile runda. På leaderboarden har Nils Egil så langt vunne suverent flest hol, som vitnar om at matchane ikkje har vore jamnspelte. Han har no berre ein kamp igjen og seglar opp som ein storfavoritt til å vinne turneringa.
På delt andreplass finn vi Nyfrid Eide, Karl Erik Utheim og Martin Hamre, som alle har 7 poeng. Både Nyfrid og Karl Erik har spelt 3 matcher, som har resultert i 2 sigrar og 1 uavgjort. Martin har spelt 4 matcher, som har resultert i 2 sigrar, 1 uavgjort og 1 tap. Like bak desse tre kjem fem spelarar på delt tredjeplass med 6 poeng. Deretter er resultatlista meir spredt nedover. Klikk på linken nedanfor for å sjå den foreløpige resultatlista.