Det vart i dag skrive eit nytt flott kapittel i historia til Sandane Golfklubb. Sandane Golfklubb markerte seg virkelig i dagens Karsten Solheim memorial-turnering på Meland Golfklubb nord for Bergen. Klubben kom i fokus på fleire måtar. Det er litt stas når arrangøren gjorde eit poeng i at Sandane Golfklubb hadde hatt lokal turnering der førstepremien var dekka tur til årets turnering.
Som om ikkje dette var nok, fekk vi også ein vinnar frå klubben. Rolf Hodne smelte til med 37 poeng i B-klassa. Fra et rikholdig Ping-gavebord, fekk Rolf med seg den nye regntette bagen fra sponsoren Ping. Som mange kanskje har fått med seg, har vår nye golfkomet Viktor Hovland nett signert for akkurat Ping.
Tilstades under dagens turnering var Allan Solheim. Dette er sonen til grunnleggaren av Ping, Karsten Solheim. For Solheim-familien står Meland Golfklubb dei ekstra nær, då Karsten er fødd og oppvokst i området. I tillegg til å starte opp golfmerket Ping er også Karsten Solheim kjend for å vere grunnleggar av Solheim Cup. Solheim Cup er for dei som ikkje veit det dei beste Europeiske damene i kamp mot dei beste fra USA.
Det var virkelig ein stor prestasjon fra Rolf i dag i tøffe vindforhold. Sandane golfklubb gratulerer! Vi kjem seinare med link til golfbox med resultat frå turneringa.