Ønskjer du å leige eit flott og moderne selskapslokale til ei feiring? Sandane golfklubb leiger ut selskapslokale i hovudetasjen av klubbhuset ved golfbana på Eide. Lokalet har eit godt utstyrt kjøkken, garderobe, to toalett og eit flott selskapslokale med plass til omlag femti personar.
Klubbhuset som vart opna i sommaren 2021 ligg fantastisk til ved Eidsfossen og er allereie blitt eit populært lokale for bursdagar, konfirmasjonar, julebord, sommarfest eller møterom for bedrifter. Dette er eit handikapvennleg selskapslokale med handikaptoalett og tilkomst med rullestolrampe.
Utanfor klubbhuset er det ein svært stor overbygd veranda der gjestane kan nyte frisk luft og nydeleg utsikt mot fossen, elva, golfbana og Ryssdalshornet. Her er også ein gassgrill, for dei som ønskjer å grille til gjestane. Drivingrangen er også tilgjengeleg for dei gjestane som ønskjer å prøve golf. Betalingsautomaten tar kort. Golfklubben kan ordne med golfkøller om ønskeleg, men dette må avtalast på førehand.
Kjøkkenet har alt du treng med tre store kjøleskap, ein skapfrys og bestikk og service til 60 personar. Det er tilgang til WiFi og ein TV på 75″ med moglegheit for tilkopling. Temperaturen er regulert med varmepumpe. Dukar må de ha sjølve.
Selskapslokalet ligg ved ei golfbane som er i flittig bruk. Av omsyn til sikkerheita bør du som vert informere selskapet om at ein må ha nødvendig kurs og ha betalt greenfee for å gå ut på bana.
Prisar
Kvardagar (Man/Tirs/Ons/Tors – Frå kl. 08:00 – 24.00) kr 1.500,-
Helgedagar (Fred/Laur/Søn. Utleigedag frå kl. 12:00 til kl. 12:00 dagen etter) kr 2.500,-
Heile helga (Fredag kl. 08:00 til Søndag kl. 24:00.) kr 4.500,-
Leige for vask kr 1000,-
Vask av lokalet er ikkje inkludert. De kan vaske sjølv eller vi kan gjere det for kr 1000,- Nærare instruksar angåande vask og opprydding står i kontrakta.
Booking
Alle som ønsker å leige lokalet inngår avtale om leige under vilkåra i leigeavtalen.
Vi jobbar med å få på plass ei bookingløysing. I mellomtida kan du sende forspørsel til post@sandanegolf.no eller ta kontakt med Kari Ann Krogh, mobil 92215004.
Husestyret:
- Kari Ann Krogh, mob. 92215004
- Tore Støylen, mob. 90967010
- Per Ove Fossheim, mob. 97570583
Bilder frå selskapslokale:
