Helga 10. og 11. november var leiaren vår på Golfforum på Gardermoen. Her fekk han presentere klubben vår frå starten i 1999 og fram til idag. For oss har det vore viktig å byggje stein på stein og ikkje har for mange prosjekt under arbeid på ein gong. Dette har ført til at vi no saman med baneeigar Didrik har fått utvikla ei fin bane.
Då vi var ferdige å lage 9 hol på bana vår, var neste steg å byggje klubbhus. Etter planlegging og søknadsprosess som vi starta allereie for over 5 år sidan, er vi no komne så langt at vi i løpet av denne vinteren og våren håpar å ha klubbhuset ferdig. For utviklinga av klubben er dette svært viktig. Viktig er det og at Harald Buene har teke trenar 2 utdanning slik at vi har ein trenar som er kvalifisert til å hjelpe både nybyrjarar og oss som har spelt ei stund med å forbetre spelet vårt.
I tillegg til desse prosjekta startar vi no arbeidet med å få mange av dei som har teke kurs til å bli aktive golfarar. Dette gjer vi ved at alle dei som spelar mykje golf i dag tek vel i mot dei nye og inkluderer dei i miljøet. Det skal vere kjekt å spele golf og i vår klubb er det like viktig å ha det artig på bana som å få den lavaste scoren på runda.
Her er Oddy eit eksempel på at det er betre å le enn gråte når ein må bruke x antal slag i bunker før ein har fått ballen på green.
