Sandane er kjend for å vere ei svært utfordrande bane med smale fairwayar og små greenar, samt ei mektig panoramautsikt mot Eidsfossen, Gloppenelva og Ryssdalshornet i bakgrunnen. Golfbana er omkransa av Gloppenelva som er ei god lakseelv, så her vil du ofte sjå ivrige laksefiskarar gjennom heile fiskesesongen.
Fleire hol har smale fairwayar med vasshinder, høg rough eller out of bounds langs sidene, samt små greenar som ofte hallar frå deg. Dette gjer det ekstra vanskeleg å få ein høg treffprosent på greenane (GIR). Etter ei golfrunde på Sandane, vil som regel både medlemmar i golfklubben og gjestespelarar vere fornøgd med ein score i buffersona. Det er krevjande å spele seg ned i handicap (hcp) på Sandane, men vi håpar du tar du utfordringa!