Det er alt for fint ver til å la vere å spele golf. Difor tjuvstartar vi sesongen 2019 med 9 hols slagturnering med hcp førstkomande søndag kl 12.00. Vi feirar sesongstart med sal av vafler, sjokolade, brus og kaffi. Turneringsavgift er kr 100 og kr 50 for juniorar. Dei som ikkje har spelerett betalar greenfee i tillegg. Vi håpar mange nyttar høve og set av litt av palmesøndag til turnering på Sandane Golfpark.
Vi ser gjerne at påmelding vert gjort i golfbox, helst i god tid før start. Dette gjer arbeidet enklare for turneringskomiteen, slik at vi kan gjennomføre turneringa på ein god måte. Om du ikkje kan bruke golfbox, so møt opp likevel. Det er ikkje alle klubbar som er komne igang med sesongen endå, så om spelarar frå naboklubbane som vil delta, er også velkomne. Alle skal sjølvsagt få vere med.
Dersom vergudane vere med oss, blir det i tillegg kyllinggolf på langfredag. Også denne turneringa er lagt inn i golfbox. So her er det berre å melde seg på.
Turneringskomiteen